Հեռախոս` (010) 266879

Էլ․ փոստ` contact@langcom.am

Լեզվի կոմիտեի նախագահ Դավիթ Գյուրջինյանն ամփոփել է 2019 թվականի աշխատանքները

Լեզվի կոմիտեի նախագահ Դավիթ Գյուրջինյանն այսօր հանդես է եկել տարեկան ամփոփիչ ասուլիսով։ Նա խոսել է Կոմիտեի՝ թվային տիրույթում ներկայացվածության ու ակտիվ ներգրավվածության, քաղաքացիների հետ մշտական կապ պահելու և զանգվածային լրատվության միջոցների ու տարբեր կառույցների հետ համագործակցության մասին։

«Լեզվի մասին» ՀՀ օրենքի պահանջների կատարումն ապահովելու նպատակով 2019 թ․ հարուցել է վարչական իրավախախտման վերաբերյալ ավելի քան 40 վարույթ: Դավիթ Գյուրջինյանի խոսքով՝ Կոմիտեն չի մոռանում նաև մարդկանց իրազեկել ու կանխարգելիչ միջոցառումներ իրականացնել․ նմանատիպ գրությունների թիվն անցած տարի հասել է 98-ի։ Դրանք հասցեագրվել են պետական կառույցների, տեղական ինքնակառավարման մարմինների, բուհերի, տարբեր կազմակերպությունների։