Հեռախոս` (010) 266879

Էլ․ փոստ` contact@langcom.am

Լսադարան

Լեզվի կոմիտեի «Այսօրվա հայերենը» բաժնում ներկայացրել էինք ՏԵՍԱԴԱՐԱՆ և ՁԱՅՆԱԴԱՐԱՆ բառերը։ Հիշենք, թե ի՛նչ են նշանակում։

ՏԵՍԱԴԱՐԱՆ նշանակում է «տեսագրությունները զետեղելու, պահելու և պահպանելու տեղ՝ պահոց», իսկ ՁԱՅՆԱԴԱՐԱՆ նշանակում է «ձայնագրությունները զետեղելու, պահելու տեղ»։

Այս բառերի նմանությամբ ստեղծվել է ԼՍԱԴԱՐԱՆ բառը և գործածվում է հայերենի գրական երկու տարբերակներում էլ՝ արևելահայերենում և արևմտահայերենում։

Լսադարանը կայքի առանձին բաժին է, որտեղ տեղադրված են տարբեր լսագրքեր (աուդիոգրքեր): Այլ կերպ ասած՝ լսադարանը լսագրքերը զետեղելու, պահելու և պահպանելու տեղն է, լսագրքերի առցանց պահոցը։

Ավելի շատ, սակայն, գործածվում է բառի օտար արմատով տարբերակը՝ աուդիոդարան-ը։ Այն նաև գրանցված է Հր․ Աճառյանի անվան լեզվի ինստիտուտի կազմած «Նոր բառեր» բառարանում (պրակ Դ, Երևան, 2018 թ․)։

Խրախուսե՛նք հայերեն ԼՍԱԴԱՐԱՆ տարբերակի գործածությունը։

#Հայերենը🇦🇲պետական լեզուն է։

Առաջին անգամ պետական լեզու է հռչակվել 1919 թ. դեկտեմբերի 24-ին։
Օրը նշանավորելու և հայերենի դիրքը հնդեվրոպական լեզուների շարքում պատկերացնելու համար ներկայացնում ենք այդ լեզվաընտանիքը պատկերող ծառը։
Հայերենը ինքնուրույն ճյուղ է այս լեզվաընտանիքում։

🏆 Լեզվի կոմիտեն ամփոփում է հայերենի 2022 թվականի «Տարվա բառն» ընտրելու քվեարկությունը։

Հաղթել է ԳԻՏԱՐԲՈՒՔ բառը։

Ավելին՝ կայքում 👇
https://www.langcom.am/https-www-langcom-am-%d5%bf%d5%a1%d6%80%d5%be%d5%a1-%d5%a2%d5%a1%d5%bc-2022/

Ավելին
facebook