Հեռախոս` (010) 266879

Էլ․ փոստ` contact@langcom.am

Կոմիտեի գործունեության մեկ տարին

Լեզվի կոմիտեն ամփոփում է անցած մեկ տարվա աշխատանքը։

Մայիսի 26-ին, ժամը 12։00-ին Արմենպրես լրատվական գործակալության մամուլի սրահում տեղի կունենա Լեզվի կոմիտեի նախագահ Դավիթ Գյուրջինյանի մամուլի ասուլիսը։

Լեզվի կոմիտեի գործունեությունը կենտրոնացած է եղել մի քանի ուղղություններով։

Լեզվի կոմիտեի դիմագծի ստեղծում։ Լեզվի կոմիտեն փորձում է կերտել իր դիմագիծը։ Ստեղծվել է Կոմիտեի տարբերանշանը, մշակվել են գունային լուծումներ, դրանց հիման վրա կազմվել են Լեզվի կոմիտեի պաշտոնական ձևաթղթերն ու այցեքարտերը։

Հուլիսին պատրաստ կլինի Լեզվի կոմիտեի պաշտոնական կայքէջը՝ langcom.am և լեզվիկոմիտե.հայ URL հասցեներով։ Այն ծառայելու է որպես Կոմիտեի պաշտոնական լրատու և լեզվական հարթակ՝ հագեցած տարատեսակ նյութերով, նույնիսկ խաղերով։

Թվային տիրույթում ներկայացվածություն։ Կոմիտեի ֆեյսբուքյան էջում մեկ տարվա ընթացքում կատարվել է ավելի քան 700 գրառում, պատասխան է ուղարկվել օգտատերերից ստացված հարյուրավոր նամակների։ Էջի հետևորդների թիվը մոտենում է 22 հազարի։

Լեզվի կոմիտեի գործունեությանն առնչվող և կոմիտեի համագործակցությամբ պատրաստված բոլոր տեսանյութերը, հեռուստատեսային ռեպորտաժներն ու հաղորդաշարերն դասակարգվել և պահպանվում են YouTube-ի «Լեզվի կոմիտե» ալիքում։ Հասարակության տարբեր շերտերին հասանելի լինելու և տարբեր ձևաչափերով առցանց աշխատելու համար ստեղծվել է Լեզվի կոմիտեի նաև թվիթերյան հաշիվը՝ @LangComArmenia։

Հորդորակ։ Լրատվամիջոցներին, տեղական ինքնակառավարման և պետական մարմիններին է ուղարկվել երկու տասնյակից ավելի հորդորակ։

Հրապարակումներ։  Լեզվի կոմիտեի աշխատակիցները թղթակցում են տպագիր ու առցանց լրատվամիջոցներին, հրապարակում հայերենի այսօրվա խնդիրներին վերաբերող հոդվածներ։ Հրապարակումների թիվը շուրջ 4 տասնյակ է։

Կապը քաղաքացիների հետ: Այս կիսամյակում Լեզվի կոմիտեն պատասխանել է լեզվական տարբեր հարցերի վերաբերող մոտ 160 գրավոր դիմումների, շուրջ 200 հեռախոսազանգի: Լեզվական պարզաբանումներ տրվել են նաև ֆեյսբուքյան էջի միջոցով (140 հարց):

Վերահսկողություն: 2019 թ. փետրվարից Լեզվի կոմիտեն «Լեզվի մասին» ՀՀ օրենքի պահանջների կատարումն ապահովելու նպատակով հարուցել է վարչական իրավախախտման վերաբերյալ 22 վարույթ:

Համագործակցություն։ Հանրային հեռուստատեսության համագործակցությամբ շարունակում են նկարահանվել «Ճի՞շտ, թե՞ սխալ» խորագրով հաղորդումները։ Երեկ հեռարձակվել է 60-րդ թողարկումը։

Լեզվի կոմիտեն համագործակցել է Անշարժ գույքի կադաստրի կոմիտեի հետ: Մանրակրկիտ ուսումնասիրվել են կադաստրի կոմիտեում գործածվող պաշտոնական բոլոր ձևաթղթերըերը, առաջարկություններ են արվել դրանք բարելավելու ուղղությամբ:

🏖 Ծովափին կամ լողավազանին կից կան երկար աթոռներ, պառկելու հարմարանքներ, որոնց վրա պառկում, կիսապառկում են հանգստացողները։
Այս առարկան հայերեն անվանելու մի քանի տարբերակ կա։
Ո՞ր տարբերակն եք նախընտրում դուք։
Քվեարկեք մեր կայքում ⤵
https://cutt.ly/dReh8FB

https://www.langcom.am/%d5%b0%d5%b8%d6%80%d5%a4%d5%b8%d6%80%d5%a1%d5%af-%d5%b0%d5%a1%d5%b5%d5%a5%d6%80%d5%a5%d5%b6-%d5%a8%d5%b6%d5%a4%d5%b8%d6%82%d5%b6%d5%a5%d5%ac%d5%ab-%d5%b0%d5%a1%d5%b4%d5%a1%d6%80%d5%aa%d5%a5%d6%84-24/ Օտար բառերից խուսափելու համար⤵️

Խաղա՞նք
https://www.langcom.am/%d5%ad%d5%a1%d5%b2-%d5%b8%d6%82%d5%b2%d5%b2%d5%a1%d5%a3%d6%80%d5%b8%d6%82%d5%a9%d5%b5%d5%b8%d6%82%d5%b6-3/

Ներկայացնում ենք օտար բառեր, որոնց հայերեն համարժեքները կան, և անհրաժեշտ է հետևողականորեն գործածել դրանք։ https://www.langcom.am/%d5%b0%d5%b8%d6%80%d5%a4%d5%b8%d6%80%d5%a1%d5%af-%d5%b0%d5%a1%d5%b5%d5%a5%d6%80%d5%a5%d5%b6-%d5%a8%d5%b6%d5%a4%d5%b8%d6%82%d5%b6%d5%a5%d5%ac%d5%ab-%d5%b0%d5%a1%d5%b4%d5%a1%d6%80%d5%aa%d5%a5%d6%84-14/

Ավելին
facebook