Հեռախոս` (010) 266879

Էլ․ փոստ` contact@langcom.am

ՀՈՐԴՈՐԱԿ ՀԱՅԵՐԵՆ ԸՆԴՈՒՆԵԼԻ ՀԱՄԱՐԺԵՔՆԵՐ ՈՒՆԵՑՈՂ ՕՏԱՐ ԲԱՌԵՐԻՑ ԽՈՒՍԱՓԵԼՈՒ ՄԱՍԻՆ (24-րդ թողարկում)

Համաշխարհայնացման ժամանակներում նոր երևույթները հայերեն կոչելը, եզրույթների, կենցաղային իրերի անվանումների հայերեն համարժեքները գործածելը որոշ մարդկանց կարծիքով հնաոճ է։ «Ժամանակակից» և «նորաձև» երևալու մոլուցքը խանգարում է նկատել կարևորը՝ հայերենի շահը։

Առաջարկում ենք օտար բառերի հայերեն համարժեքների հերթական ցանկը։ Կարդացե՛ք, վերընթերցե՛ք, գործածե՛ք դրանք, ձեզ շրջապատող մարդկանց հիշեցրե՛ք, որ հայերենը պետք է պահպանենք ու զարգացնենք մենք՝ հայերս։

Օտար բառերի հայերեն համարժեքները հեշտ փնտրելու համար առաջարկում ենք Լեզվի կոմիտեի կայքի որոնման համակարգը. ահա հղումը՝ լեզվիկոմիտե.հայ/օտար-բառեր/

  1. ավանս – կանխավճար
  2. բունտ – խռովություն
  3. բրուտալ – կոպիտ, վայրենի, վայրագ, դաժան
  4. գարդերոբ – զգեստապահարան
  5. գերբ – զինանշան
  6. գիգանտ – հսկա, վիթխարի, աժդահա
  7. գրադացիա – աստիճանավորում, աստիճանավորություն
  8. գրանդիոզ – 1. վիթխարի, հսկայական, 2. փառահեղ, հոյակապ, մեծազդու
  9. դեֆորմացիա – ձևախեղում, ձևախախտում
  10. դիապազոն – 1. ձայնածավալ, 2. ընդգրկում, ընդգրկույթ
  11. դիետա – սննդակարգ
  12. դիսկվալիֆիկացիա – որակազրկում
  13. դոզա – 1. դեղաբաժին, 2. չափաբաժին
  14. էլեգանտ – նրբագեղ, նրբակիրթ, նրբաճաշակ, նրբաոճ
  15. էմանսիպացիա – ազատագրում, ազատագրություն
  16. թասկ – 1. հանձնարարություն, առաջադրանք, 2. անելիք, խնդիր
  17. իդենտիկ – նույնական
  18. իմպերատիվ – հրամայական, կարգադրական
  19. ինսուլտ – կաթված (ուղեղի)
  20. ինստրուկցիա – 1. հրահանգ, ցուցում, 2. կարգադրություն
  21. ինտոնացիա – 1. հնչերանգ, 2. առոգանություն
  22. ինֆլյացիա – գնաճ
  23. լիցենզիա – արտոնագիր, թույլտվություն
  24. նոնսենս – անիմաստություն, անմտություն, անհեթեթություն, դատարկաբանություն
  25. ունիկալ – եզակի, անկրկնելի
  26. պարտնյոր – 1. զուգընկեր, 2. գործընկեր, գործակից, 3. խաղընկեր, պարընկեր, մարզընկեր
  27. ռեզորտ – հանգստյան տուն, առողջարան
  28. փլեյլիստ – երգացանկ, տեսացանկ
  29. ֆարմացևտ – դեղագործ
  30. ֆեստիվալ – փառատոն

#Հայերենը🇦🇲պետական լեզուն է։

Առաջին անգամ պետական լեզու է հռչակվել 1919 թ. դեկտեմբերի 24-ին։
Օրը նշանավորելու և հայերենի դիրքը հնդեվրոպական լեզուների շարքում պատկերացնելու համար ներկայացնում ենք այդ լեզվաընտանիքը պատկերող ծառը։
Հայերենը ինքնուրույն ճյուղ է այս լեզվաընտանիքում։

🏆 Լեզվի կոմիտեն ամփոփում է հայերենի 2022 թվականի «Տարվա բառն» ընտրելու քվեարկությունը։

Հաղթել է ԳԻՏԱՐԲՈՒՔ բառը։

Ավելին՝ կայքում 👇
https://www.langcom.am/https-www-langcom-am-%d5%bf%d5%a1%d6%80%d5%be%d5%a1-%d5%a2%d5%a1%d5%bc-2022/

Ավելին
facebook