Հեռախոս` (010) 266879

Էլ․ փոստ` contact@langcom.am

Հորդորակ հայերեն ընդունելի համարժեքներ ունեցող օտար բառերից խուսափելու մասին (12-րդ թողարկում)

Ներկայացնում ենք մի շարք օտար բառերի հայերեն համարժեքների հերթական ցանկը՝ հորդորելով վերջիններիս տալ նախապատվությունը թե՛ գրավոր, թե՛ բանավոր, թե՛ պաշտոնական և թե՛ առօրյա խոսքում։

  1. ագենտ – գործակալ
  2. դիսիդենտ – այլախոհ
  3. էգոիստ – եսասեր, եսամոլ
  4. էքսցենտրիկ – 1. արտասովոր, արտառոց, տարօրինակ, 2. (տեխ.) արտակենտրոնակ
  5. իզոլյացիա – մեկուսացում
  6. լանչ – ճաշ, ճաշի ընդմիջում
  7. լեվըլ – մակարդակ, աստիճան
  8. խիրուրգ – վիրաբույժ
  9. կոմպլիմենտ – հաճոյախոսություն
  10. կոնվերտացիա – փոխարկում
  11. կոնցենտրացիա – 1. համակենտրոնացում, կենտրոնացում, 2․խտացում
  12. կուրյոզ – ծիծաղաշարժ, զավեշտալի, զվարճալի
  13. նյուզֆիդ – լրահոս
  14. շարմ – հմայք
  15. ունիվերսալ – համընդհանուր, համապարփակ, բազմաբնույթ, բազմակողմանի
  16. չինովնիկ – աստիճանավոր, պաշտոնավոր
  17. պունկտուալ – ճշտապահ, ճշտակատար
  18. ռեպրեսիա – ճնշում, բռնաճնշում, հալածանք
  19. ռեպրոդուկտիվ – վերարտադրողական
  20. ռեցենզիա – գրախոսություն
  21. սինխրոն – համաժամանակյա, միաժամանակյա
  22. սոլիդար – համերաշխ
  23. սուռոգատ / սուրոգատ – 1. փոխնակ (մայր), 2. փոխարինիչ
  24. սվաստիկա – կեռխաչ / կեռախաչ
  25. վերսիա – 1. տարբերակ, 2. վարկած,  3. մեկնակերպ
  26. տրիո – 1․եռյակ, 2․եռանվագ, եռերգ
  27. քեշ – կանխիկ, առձեռն
  28. քոֆի բրեյք – սրճադադար (սուրճի ընդմիջում)
  29. ֆիգուր – 1. պատկեր, պատկերաքանդակ, 2. դեմք, կերպար, 3. շախմատի քար
  30. ֆոլոուեր – հետևորդ

Լեզվի կոմիտեն 2020 թվականի սեպտեմբերից մինչև 2021 թվականի հունվար սոցիալական հարթակներում հրապարակել է հորդորակ, նյութեր և հարցումներ դպրոցներում ուսուցչին դիմելու հայերեն ձևերի մասին։

➡️Ամբողջական՝ https://bit.ly/3a3kT7s

Հիշե՛ք

Բժշկական այս գործիքը, որն օգտագործում են վիրահատությունների ժամանակ, կոչվում է ՆՇՏԱՐ։
#ՉԱՍԵՔլանցետ

Կոտայքի Ավան գյուղը Երևանի այժմյան Ավան թաղամասն է: Անցյալում «ավան» են կոչվել այն բնակավայրերը, որոնք պարսպապատ չեն եղել և դրանով էլ հենց տարբերվել են քաղաքներից: «Ավան» բառով կազմվել են շատ բնակավայրերի անուններ՝ Ստեփանավան, Սևակավան, Արտավան, Բերքավան և այլն:

ԻՆՉՊԵՍ ԵՆ «ԱՐՏԱՀԱՅՏՎՈՒՄ» ԿԵՆԴԱՆԻՆԵՐԸ

Բառաչել - կով, եզ, ցուլ
Մկկալ - այծ
Մայել - ոչխար
Խռխռալ, խռնչալ - խոզ
Խրխնջալ, վրնջալ - ձի
Զռալ - ավանակ
Մռնչալ - վայրի գազաններ՝ առյուծ, վագր, արջ և այլն
Մլավել, մռլտալ, մռմռալ - կատու
Հաչել, կլանչել, կաղկանձել - շուն
Ոռնալ - գայլ

«Կոնդ» անվանումը տիպական է այն տեսակետից, որ հասարակ անունը դառնում է հատուկ տեղանուն: Բնակավայրը Կոնդ է կոչվել բարձր դիրքի պատճառով: Հայերեն նշանակություններից մեկն է «բլուր, բլրակ, թումբ»:

Կոնդի մի մասը հնում կոչվել է Ծիրանի թաղ:

Ավելին