Հեռախոս` (010) 266879

Էլ․ փոստ` contact@langcom.am

Հայերեն ընդունելի համարժեքներ ունեցող օտար բառերից խուսափելու մասին (4-րդ թողարկում)

Ներկայացնում ենք օտարաբանությունների և դրանց հայերեն համարժեքների նոր ցանկ։ Ասենք, որ ներկայացվող բառերը նորաստեղծ չեն, մենք պարզապես հիշեցնում ենք դրանց մասին և

ՀՈՐԴՈՐՈՒՄ

խոսելիս ու գրելիս նկատի ունենալ օտար բառերի հայերեն հետևյալ համարժեքները.

  1. ամբիցիոզ – հավակնոտ
  2. ասոցացնել – զուգորդել
  3. արգումենտ – փաստարկ
  4. բլոկադա – շրջափակում, պաշարում
  5. դեդլայն – վերջնաժամկետ
  6. դեստրուկտիվ – ապակառուցողական
  7. դիսկրիմինացիա – խտրականություն
  8. էքսպերիմենտալ – փորձառական
  9. էքսպերտ – փորձագետ
  10. էքստրեմիստ – ծայրահեղական
  11. ինթերն – փորձնակ, փորձալրող
  12. ինթերնշիփ – փորձաշրջան
  13. ինֆրաստրուկտուրա – ենթակառուցվածք
  14. կոմպոնենտ – բաղադրիչ, բաղկացուցիչ
  15. կոմունիկացիա – հաղորդակցություն
  16. կոնսոլիդացիա – համախմբում
  17. կոնտենտ – բովանդակություն
  18. նեյտրալ – չեզոք
  19. նոն-ստոպ – անդադար, անընդմեջ, անընդհատ
  20. պարամետր – չափանիշ
  21. պերմանենտ – ած․ մշտական, մշտատև, մկբ․ մշտապես
  22. պոստուլատ – կանխադրույթ
  23. պրոցես – գործընթաց, ընթացք
  24. ռեգլամենտ – աշխատակարգ
  25. սատելիտ – արբանյակ
  26. սեսիա – 1․ քննաշրջան, 2․ նստաշրջան
  27. ստատուս – կարգավիճակ
  28. ստրատեգիա – ռազմավարություն
  29. տակտիկա – մարտավարություն
  30. փասվորդ – գաղտնաբառ

Լեզվի կոմիտեն 2020 թվականի սեպտեմբերից մինչև 2021 թվականի հունվար սոցիալական հարթակներում հրապարակել է հորդորակ, նյութեր և հարցումներ դպրոցներում ուսուցչին դիմելու հայերեն ձևերի մասին։

➡️Ամբողջական՝ https://bit.ly/3a3kT7s

Հիշե՛ք

Բժշկական այս գործիքը, որն օգտագործում են վիրահատությունների ժամանակ, կոչվում է ՆՇՏԱՐ։
#ՉԱՍԵՔլանցետ

Կոտայքի Ավան գյուղը Երևանի այժմյան Ավան թաղամասն է: Անցյալում «ավան» են կոչվել այն բնակավայրերը, որոնք պարսպապատ չեն եղել և դրանով էլ հենց տարբերվել են քաղաքներից: «Ավան» բառով կազմվել են շատ բնակավայրերի անուններ՝ Ստեփանավան, Սևակավան, Արտավան, Բերքավան և այլն:

ԻՆՉՊԵՍ ԵՆ «ԱՐՏԱՀԱՅՏՎՈՒՄ» ԿԵՆԴԱՆԻՆԵՐԸ

Բառաչել - կով, եզ, ցուլ
Մկկալ - այծ
Մայել - ոչխար
Խռխռալ, խռնչալ - խոզ
Խրխնջալ, վրնջալ - ձի
Զռալ - ավանակ
Մռնչալ - վայրի գազաններ՝ առյուծ, վագր, արջ և այլն
Մլավել, մռլտալ, մռմռալ - կատու
Հաչել, կլանչել, կաղկանձել - շուն
Ոռնալ - գայլ

«Կոնդ» անվանումը տիպական է այն տեսակետից, որ հասարակ անունը դառնում է հատուկ տեղանուն: Բնակավայրը Կոնդ է կոչվել բարձր դիրքի պատճառով: Հայերեն նշանակություններից մեկն է «բլուր, բլրակ, թումբ»:

Կոնդի մի մասը հնում կոչվել է Ծիրանի թաղ:

Ավելին