Ներկայացնում ենք «Մաքրենք մեր առօրյա խոսքը» շարքի հերթական ցանկը։ Թեմատիկ այս ցանկում ներառել ենք խոհանոցում և բաղնիքում տարբեր իրերի օտար անվանումներ, որոնք հաճախադեպ են խոսքում։
Հայերեն համարժեքները հետևողականորեն գործածելով՝ քայլ առ քայլ մեր խոսքից դուրս կմղենք օտար բառերը։
Խոհանոց
- արկղ – յաշիկ
- ափսե – տարելկա
- թեյնիկ – չայնիկ
- լվացարան – մոյկա / ումիվալնիկ
- խցան – պռոպկա
- կաթսա – կաստրուլկա / կաստրուլյա
- կափարիչ – կռիշկա
- հավաքածու – նաբոռ
- հարիչ – միքսեր
- հյութքամիչ – սոկովիժիմալկա
- չորանոց – սուշիլկա
- պատառաքաղ – չանգյալ
- ջեռոց – դուխովկա
- սառնարան – խալադելնիկ / խալաձելնիկ
- սառցարան / սառցախցիկ – խոլոդ / մառազիլկա
- սկուտեղ – պադնոս
- սպունգ – գուբկա
- սրճեփ – ջազզվե / ջազզվա / կոֆեվարկա
- տակդիր – պադստավկա
- քերիչ – տյորկա
Բաղնիք
- անկյունակ – ուգոլնիկ
- դեղատուփ – ապծեչկա
- դույլ – վեդրո
- զտիչ – ֆիլտր
- լոգախցիկ – կաբինա
- լոգարան – վաննա
- խոզանակ – չոտկ
- խողովակ – տրուբա
- ծորակ – կռանթ
- կանգնակ – ստոյկա
- չորանոց – սուշիլկա
- ջրատաքացուցիչ – կալոնկա
- ցնցուղ – դուշ
- փական – վինտիլ
- օծանելիք – դուխի
- օճառ – սապոն