Հեռախոս` +374 (0) 10 266 860

Էլ․ փոստ` contact@langcom.am

Սիրելի հայերեն

Բարև՛, իմ լավ բարեկամ:

Մեր հանդիպումների ժամանակ մենք կխոսենք լեզվական խաթարումների, ճիշտ ու սխալի մասին: Գիտենք, որ դու էլ մեզ հետ միասին պայքարում ես հայերենի մաքրության, անաղարտության համար: Չէ՞ որ մենք մեր լեզվի զինվորներն ենք: Իսկ զինվորները որքան շատ լինեն, բանակն այնքան ուժեղ կլինի:   

Դու լավ գիտես, որ մարդը նախ և առաջ ներկայանում է իր խոսքով: Խոսքից երևում է մարդու ոչ միայն գրագիտությունը, այլև ներքին հարստությունը, դաստիարակվածությունը:

Ուրեմն լեզվական ճիշտ ու սխալից խոսելուց առաջ հիշենք այս խորհուրդները.

-Երբեք մի՛ գործածիր այն բառը, որի իմաստը չգիտես կամ վստահ չես, որ ճիշտ գիտես:

-Անծանոթ բառի հանդիպելիս մի շրջանցիր, աշխատիր անպայման պարզել դրա իմաստը` բառարանի, ուսուցչիդ կամ ծնողիդ օգնությամբ:

-Ունեցի՛ր նոր սովորած բառերի բառատետր, փորձիր խոսքիդ մեջ գործածել այդ բառերը, մինչև որ դրանք քո բառապաշարում իրենց հիմնական տեղն ունենան:

-Աշխատի՛ր խոսելիս օտար բառեր չօգտագործել, եթե հայերենն ունի դրանց համարժեքը:

-Խելացի ու գրագետ երևալու համար մի՛ գործածիր իրավիճակին անհարիր գրական բառեր, կարողացիր ճիշտ ընտրել խոսքիդ ոճը:

-Խուսափի՛ր տարիքիդ ոչ համապատասխան բառեր ու դարձվածքներ գործածելուց:

-Վարժ խոսողի տպավորություն ստեղծելու համար մի՛ խոսիր շատ արագ: Դրանից խոսքդ կարող է դառնալ անհասկանալի կամ պակաս տպավորիչ:

-Հարցին հարցով մի՛ պատասխանիր: Մի՛ կրկնիր քեզ տրված հարցը, եթե դրա անհրաժեշտությունը չկա:    

-Ընտրի՛ր ասելիքիդ համապատասխան հնչերանգ: Սխալ հնչերանգով ասված խոսքը կարող է դառնալ կոպիտ, ծիծաղելի, վիրավորական, եթե անգամ իմաստով այդպիսին չէ:

-Թե՛ գրավոր, թե՛ բանավոր խոսքում խուսափի՛ր ավելորդ բառեր գործածելուց: Այդպես խոսքդ կդառնա դիպուկ և ազդեցիկ: 

-Եթե ուզում ես հաճելի զրուցակից լինել, աշխատիր մինչև վերջ ուշադիր լսել քեզ հետ խոսողին:

-Խոսելիս անպայման արտասանիր բառերիդ բոլոր տառերը: Հակառակ դեպքում, եթե անգամ խոսքդ մի կերպ հասկանալի լինի, երբեք չի կարող լինել գեղեցիկ ու կիրթ:

-Շատ կարդա: Կարդալիս հետևիր ո՛չ միայն այն բանին, թե ինչ է գրված, այլ թե ինչպես է գրված:  

Երազիկ Գրիգորյան

Նյութը հրապարակվել է «Կախարդական բանալի» ամսագրում։
Նմանատիպ նյութեր
Հայկական հեռուստաշուկայի «ցուցափեղկում» մանկական ապրանք քիչ կա: Չունենք հատուկ հեռուստաալիք, ոչ մանկական ալիքներում փոքր է մանուկ հեռուստադիտողի համար նախատեսված
Արի՛ հետ պտտենք ժամացույցի սլաքները ու միասին գնանք դեպի այն ժամանակները, երբ համացանց չկար, ու
Խնդրառությունը բառերի (լրացյալի և լրացման) կապակցության այն եղանակն է, երբ մի բառը (լրացյալը) պահանջում է
Բարև՛, պատանի՛ բարեկամ: Ծանոթ երգ է հնչում՝ «Միայն սիրո լարը մնաց / Սրտիս անհուն խորքերում»:
Մեր խոսքում հաճախ հանդիպող սխալներից մեկը կապված է մի «անմեղ» բառի՝ «անգամ»-ի հետ։ Որքա՜ն ենք

-Այսպես գրքերը նոր կյանք են ստանում,-ասում է Դ․ Գյուրջինյանն ու ավելացնում,- Ազգային գրադարանի այս նախաձեռնությունը գովելի է ու շատ կարևոր: Նկուղներում, դարակներում մնացած, գործածությունից դուրս ընկած գրքերը հիմա կարծես նոր կյանք են ստանում:
https://t.co/XBeZmrOybS

#ԱյսօրվաՀայերենը

ՎԵՐՆԱՆՑՈՒՄ | Փողոցի, պողոտայի, ճանապարհի լայնքով վերգետնյա հետիոտնային անցում անարգել երթևեկություն ապահովելու և փողոցն անվտանգ հատելու համար։

#ԱյսօրվաՀայերենը

ՉԵՂԱՐԿԵԼ | Մինչ այդ կայացրած որոշումից, նախապես հաստատված ինչ-որ բանից (իրադարձություն, հանդիպում և այլն) հրաժարվելը, հետ կանգնելը, դրանք կասեցնելը կամ չեղյալ հայտարարելը:

#ԱյսօրվաՀայերենը

ՀԵԾԱՆՎՈՒՂԻ | Առավելապես քաղաքային միջավայրում հեծանիվ քշելու՝ հեծանվով տեղաշարժվելու համար առանձնացված ճանապարհ, ուղի՝ հատուկ գծանշումներով, երբեմն գունավորմամբ։ Հեծանվահրապարակում հեծանվավազքի համար նախատեսված ուղի։

Ավելին