Օտար բառեր խոսակցական լեզվում

Մեր առօրյա խոսքում հաճախադեպ են օտար արտահայտությունները։ Դրանք աղավաղում և աղտոտում են հայերենը։ «Մաքրենք մեր առօրյա խոսքը» շարքի հերթական ցանկով հորդորում ենք հետևողականորեն գործածել հայերեն տարբերակները՝ այդպիսով պահպանելով մեր լեզվի մաքրությունն ու գեղեցկությունը։

1. անգամ, նույնիսկ, մինչև անգամ – դաժե(ը)
2. ձեռքի հետ էլ, միանգամից – զաադնո
3. պատվեր – զակազ
4. փոխարենը, դրա փոխարեն – զատո 
5. մանր – զդաչի
6. կենսական – ժիզնիննի
7. կենդանի – ժիվոյ
8. միայն թե, մենակ թե – լիշ բը / բի
9. ամեն, բոլոր, յուրաքանչյուր – լյուբոյ
10. կարճ ասած, մի խոսքով – կառոչե
11. ի դեպ, իմիջիայլոց – կստածի
12. պահ – մոմենտ
13. 1․ հստակ 2․ իրոք – չոտկի
14. հաջող, ցտեսություն – պակա
15. մշտապես – պաստայաննի / պաստայաննը
16. ընդմիջում – պերերիվ
17. ողջույն, բարև – պրիվետ
18. ընդ որում, ըստ որում – պրիտոմ
19. ուղիղ – պրյամո
20. պարզապես, ուղղակի – պրոստո/ը
21. նկարահանում – սյոմկա
22. ժամկետ – սռոկ 
23. ոճ – ստիլ, սթայլ
24. ընդհանրապես – վապշե
25. տարբերակ – վարիանտ, վերսիա
26. միշտ – վեչնի
27. մի խոսքով – վոպշմ
28. ճիշտ, ճշգրիտ, ճիշտ որ – տոչնի
29. վերջ – ֆսյո
30. ամեն դեպքում – ֆսյո ժը